ملګري ملتونه په راخېن کې د روهنګیايي کډوالو کمپونه تړي.
دغه کمپونه د هغو مسلمانانو لپاره جوړ شوي وو چې د میانماري ځواکونو ظلم او تاوتریخوالي له امله له خپلو کورونو تېښتې ته اړ شوي وو.
دا بې ځایه شوي کډوال له تیرو ۶ کلونو راهیسې راخېن کې په لنډمهالو پنډغالو کې اوسیږي خو اوس ملګري ملتونه وايي دغه کمپونه باید وتړل شي.
راخېن کې په لنډمهالو پنډغالو کې اوسیدونکي کډوال له کمپونو وځي.
د ملګروملتونو چارواکي وايي دغه کمپونه به ډیر ژر وتړل شي او کډوال به یې باید بیرته خپلو سیمو او کورونو ته ستانه شي.
په دغو کمپونو کې ۱۳۰ زره مسلمانان اوسیږي چې له ټول میانمار دلته راټول شوي.
میانمار کې د ملګروملتونو استازي پېرون داسې ویلي (( د کمپونو تړل زموږ اصلي موخه نه ده، زموږ موخه د میانمار موضوع ته یوه حل لار پیدا کول دي، هغه کډوال چې له تیرو شپږو کلونو راهیسې بې ځایه شوي او په لنډمهالو پنډغالو کې اوسیږي هغوی باید بیرته کورونو ته ولاړ شي.))
د ملګرو ملتونو استازي وايي دغو کډوالو ته باید بشري مرستې هم ورسیږي چې ډيره اړتیا ورته لري.
پېرون داسې ویلي (( موږ ګورو هغوی چې له خپلو سیمو تښتیدلی نهشي کولای شي خپلو کورونو ته ستانه شي، دغه کډوال چې په دې پنډغالو کې اوسیږي ټول بشري مرستو ته اړتیا لري ځکه دوی اوس هم د خبرو او غږ پورته کولو اجازه نه لري.))
له راخېن سربیره د بنګلدیش په کمپونو کې هم له ۶ سوه زرو زیات روهنګيايي کډوال اوسیږي.
دغه کډوال د سانسوچي په مشرۍ د میانماري ځواکونو د سختو شکنجو او تاوتریخوالي له امله بنګلدیش ته کډوال شوي دي.
