کابل کې لاریون کوونکو اته څلویښت پولیس سرتیري ټپیان کړي او ځينې امنیتي پوستې یې هم سوځولې دي.
لاریون کوونکو پولیس په هغو وسلو وېشتلي چې د دوی د امنیت لپاره ورکړل شوې وې خو لاریون کوونکو پر وړاندې پولیس په وسلو سمبال نه وو.
کورنیو چارو وزارت وایي، د امنیتي ځواکونو ۴۸ تنه د لاریونو پر مهال ټبیان شوي دي، چې څلور یې په ګولیو لګېدلي.
اریون له هېواده بهر کړیو په ملاتړ جوړ شوی چې اوس یې کورنیو چارو وزارت پلټنې پیلوي.
لاریون تېره ورځ هغه مهال پیل شو ، چې افغان امنیتي ځواکونو د علیپور په نوم یو خپل سری قومندان بندخونې ته واچوه چې د خلکو د زورونې تورونه پرې دي.
لاریونوالو په پولیسو ډزې کړي چې ۴۸ تنه یې ټپیان کړي او نږدې درې پوستې یې سوځولي دي.
کورنیو چارو وزارت مرستیال اختر محمد ابراهیمي وایي، هغو کسانو ته چې د دوی د امنیت لپاره وسلې ورکول شوې وې پولیس یې پرې په نښه کړي دي.
کورنیو چارو وزارت پخوا نه منله چې هزاره ګانو ته یې د خپل امنیت ساتلو لپاره وسلې ورکړي دي.
اوس د وزارت ارشد مرستیال ومنله چې پولیس په هغو وسلو وېشتل شوي چې دوی ته د امنیت لپاره ورکړل شوي دي خو پولیسو د لاریون پرمهال د دفاع لپاره ان تمانچې هم نه درلودې.
لاریون کې بهرني کسانو په اړه څېړنې کېږي چې دا خلک یې تاوتریخوالي ته هڅولي دي.
خو د دفاع وزارت لوی درستیز وویل لاریونونه یوازې د یوه تن لپاره پیل شوي دي. او پرېږدئ چې قانون خپله پرېکړه وکړي.
د شریف یفتلي په وینا لاریون کوونکو تېره شپه درې هغو امنیتي پوستو ته اور اچولی چې د دوی د امنیت خوندي کولو لپاره وې.
په خواله رسنیو کې لاریون ته جدي غبرګونونه ښوول شوي دي او ډېرو د پولیسو پر وړاندې د لاریون کوونکو غوسه او اخ ډب غندلی دی.
