له افغانستانه پاکستان ته هره ورځ شااوخوا ۴۵۰ لارۍ سوداګریز توکي اوړي

د اسلامي امارت په راتګ سره له هند، عرب امارات او یو شمېر نورو هېوادونو سره سوداګریزه راکړه ورکړه په ټپه ولاړه ده، خو پاکستان سره څه ناڅه روانه ده.

تورخم کې د پاکستاني ګمرک مسوولینو رسنیو ته ویلي، هره ورځ تر ۴۵۰ بار لارۍ له افغانستانه پاکستان ته اوړي او تر ۳۵۰ بار لارۍ بیا له پاکستانه افغانستان ته راوړي.

خو کومې لارۍ، چې له پاکستانه افغانستان ته راوړي ډېری یې تشې دي.

سوداګر وایي، کومې میوې، چې له افغانستانه په ښه حالت کې پېښور ته رسېږي، مناسبه بیه لري، خو په وینا یې د تېر کال په پرتله سږ کال د ښې میوې بیه هم کمه ده