عبداللهیان: له زده کړو او کار د ښځو محرومول له اسلامي لارښوونو سره ټکر کې دي

د راپورونو له مخې، د ایران د بهرنیو چارو وزیر حسین امیر عبداللهیان د اقتصادي همکاریو سازمان د بهرنیو چارو وزیرانو په غونډه کې دغه څرګندونې کړې دي.

د عبداللهیان په خبره، افغانستان د اقتصادي همکاریو سازمان یا اېکو د کورنۍ یو ډېر مهم غړی دی او ایران د افغانستان لپاره د اېکو ملاتړي سیاست په طرح او تصویب کې یو له اصلي هېوادونو څخه دی، چې تل یې د دې سیاست د عملي کېدو ملاتړ کړی دی.

د اقتصادي همکاریو سازمان د بهرنیو چارو وزیرانو شورا شپږویشتمه غونډه د ازبیکستان په پلازمېنه تاشکند کې وشوه.