د بریټانیا د روغتیا وزیر، مټ هنکاک د خپلې یوې همکارې له ښکلولو او انځورونو له رسنیز کېدو وروسته له خپلې دندې استعفی کړې ده.
هغه انځورونه چې امنیتي کامرو اخیستي، پکې لیدل کېږي چې، مټ هنکاک د کرونا وبا له امله اجتماعي واټن له پامه غورځولی او خپله یوه همکاره یې ښکل کړې ده.
هنکاک وايي، ځکه يې استعفاء کړې، چې کوېډ-۱۹ وبا د مخنيوي په موخه وضع شويو محدودیتونو څخه يې سر غړونه کړې ده.
هنکاک د بریتانیا لومړي وزیر بوریس جانسن ته په خپل استعفاء لیک کې له لارښوونو د سرغړونې له امله بښنه غوښتې.
بوريس جانسن هم له مټ غوښتي، چې په وياړ خپله دنده پرېږدي، خو بریټانوي چارواکو پر لومړي وزير نيوکه کړې او ویلي یې دي، چې بايد روغتيا وزیر يې له دندې ګوښه کړی وای
