په ترکیه کې د افغان کډوالو ملاتړ ټولنې ویلي، دغه هېواد کې ۳۰۰ زره افغانان رسما ثبت شوي چې زیات یې د لنډې مودې لپاره دغه هېواد ته تللي دي، خو د هغوی په منځ کې ۴۸ زره د اوږدې مودې د اقامت اسناد لري.
د یادې ټولنې د مالوماتو له مخې، د ترکیې حکومت د روان ۲۰۲۳ زیږدیز کال له پیله د جون تر ۲۲ مې پورې ۱۵ زره افغان کډوال له خپلې خاورې اېستلي دي.
په ورته وخت کې ترکیې بیا ویلي، په دغه هېواد کې یې ۲۸ نور غیر قانوني افغان کډوال نیولي، چې ژر به یې افغانستان ته ولېږدوي.
په دې وروستیو کې د افغانستان د ګاونډیانو په ګډون په بېلابېلو هېوادونو کې له افغان کډوالو سره بد چلن کېږي او په یوه او بله بهانه زندانونو ته اچول کېږي.
