• English
  • پښتو
  • دری
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
د کابل اندرا ګاندي روغتون کېد ۷۵ میلیونه افغانیو په ارزښت نوې پروژې پلې شوې

د کابل اندرا ګاندي روغتون کېد ۷۵ میلیونه افغانیو په ارزښت نوې پروژې پلې شوې

شمشادنیوز by شمشادنیوز
2025/05/07

د کابل اندرا ګاندي یا صحت طفل روغتون کې چې د ماشومانو د درملنې لپاره ځانګړی روغتون دی، د برېښنا تولیدولو د یوې شبکې ترڅنګ، د اکسیجن د تولید او برانکوسکوپي ماشینونه هم فعال او په کار یې پیل  وکړ.

عامې روغتیا وزارت وايي، په روغتیايي برخه کې دغه مهمې پروژې د اروپايي ټولنې او د روغتیا نړیوال سازمان له لوري تمویل شوې وې چې ورسره به تر ډېره حده د ماشومانو د درملنې په برخه کې شته ستونزې هم هوارې شي.

د عامې روغتیا وزارت سرپرست نورجلال جلالي وايي: « له اندرا ګاندي روغتون سره یې د اکسیجن د تولید دستګاه، برانکوسکوپي آله او څلور جنراتورونه مرسته کړې ده. د دوی دا مرسته حیاتي ارزښت لري او اندراګاندي روغتون کې د مریضانو د درملنې پر کیفیت مثبت اغېز کوي. اندراګاندي روغتون چې د ماشومانو د ناروغیو درملنې لپاره د هېواد پر کچه تخصصي روغتون دی، بهترین صحي کادرونه لري او په ورځني ډول ډېری ناروغ ماشومان دې روغتون ته راوړل کېږي او دلته ورته خدمات وړاندې کېږي.»

د عامې روغتيا وزارت د معالجوي طب رییس وحدت الکوزی وايي:« برانکوسکوپي هغه څانګه یا هغه ماشین او آله ده، که چېرې د کوچنیانو په تنفسي لارو کې کوم اجنبي جسم نښتی وي، د دې ماشین په وسیله را ایستل کېږي. له بده مرغه تر دې وړاندې دا ماشین په یوه دولتي روغتون کې هم موجود نه و او زموږ هېوادوال د دغو ستونزو پرمهال یا خصوصي روغتونونو ته تلل او که به وضعیت ډېر اختلاطي و، بیا به مجبور و چې نورو هېوادونو ته لاړ شي.»

په ورته وخت کې د روغتیا نړیوال سازمان چې د دغو روغتیايي پروژو په تمویل کې یې ونډه لرله وايي، اکسیجن د ماشومانو او د لوړ عمر لرونکو کسانو په ګډون د ټولو ناروغانو ژوند ژغورلو لپاره اړین دی.

په افغانستان کې د روغتیا نړیوال سازمان استازی ایډوین سلواډور وايي: « د طبي اکسیجن ماشین یوازې یوه عادي آله نه ده بلکې یوه ژوند ژغورونکې درملنه ده او د هغو ناروغانو لپاره ډېره حیاتي ده چې سینه بغل ناروغي لري. همدارنګه د جراحۍ د خوندي عملیاتو او د هغو ټولو مواردو لپاره ډېره ګټوره ده چې له بېړنیو روغتیايي حالاتو سره مخ وي. دا په ځانګړې توګه تازه زیږېدلو ماشومانو، مېندواره ښځو او د هغو پاخه عمر لرونکو لپاره هم ډېره مهمه وسیله ده چې د ناروغۍ په وخت کې اکسیجن ته اړتیا لري. د کرونا وبا پرمهال موږ د دې شاهدان و چې د طبي اکسیجن کمښت څومره کولی شي ویجاړونکې اغېزې ولري.»

د دغو پروژو ټولیز لګښت څه باندې ۷۵ میلیونه افغانۍ دی چې د اروپايي ټولنې او د روغتیا نړیوال سازمان له لوري ورکړل شوی.

د عامې ورغتیا وزارت ویاند شرافت زمان وايي: « په دغو څانګو زموږ عمومي لګښت ۱ میلیون او ۶۵ زره امریکايي ډالر دي چې د افغانیو په حساب نږدې ۷۶ میلیونه کېږي.»

په همدې حال کې د عامې ورغتیا وزارت سرپرست وايي، په پلان کې ده چې په دولتي روغتونونو کې د قلبي او سرطاني ناروغیو د درملنې څانګې فعالې شي او له هغې ورسته نور د دې اړتیا نه وي چې خلک د دغو ناروغیو د درملنې په موخه نورو هېوادونو ته لاړ شي.

مولوي نور جلال جلالي زیاتوي، په روان کال کې به د دغو څانګو د فعالولو په موخه ځانګړې ټیکنالوجي او طبي لوازم هېواد ته راوړل شي.

جلالي په دې اړه وايي: « زموږ د صحي پرسونل د زحمتونو په نتیجه کې به انشالله په نږدې راتلونکې کې په دولتي سکټور کې ولادي او قلبي ناروغیو، د کاهلانو د قلبي ناروغیو او د سرطان د ناروغیو درملنې امکانات برابر شي. په دې سره به وطنوالو ته د افغانستان په داخل کې د دې ناروغیو د معیاري درملنې سهولتونه رامنځته شي. موږ په دې برخه کې کادرونه لرو او په همدې کال کې به د دغو څانګو لپاره اړین طبي وسایل او ټکنالوژي هم برابره شي.»

د عامې روغتیا وزارت چارواکي دغه راز وايي، په پام کې ده چې د اندرا ګاندي روغتون ظرفیت لوړ شي او همدا راز په دې روغتون کې د سټي سکین دستګاه په فعالولو سره د ماشومانو د درملنې په برخه کې خلکو ته معیاري روغتیايي خدمات وړاندې شي.

شریک یې کړئ

ShareTweetShareSendSend

Related News

عامي روغتیا وزارت د ډاکټرانو او روغتيايي پرسونل ۱۲ سلنه معاشونه کم کړي
روغتیا

عامي روغتیا وزارت د ډاکټرانو او روغتيايي پرسونل ۱۲ سلنه معاشونه کم کړي

مې 31, 2025
هرات کې د ګوزڼ ضد واکسین څلور ورځنی کمپاین پیل شو
روغتیا

هرات کې د ګوزڼ ضد واکسین څلور ورځنی کمپاین پیل شو

مې 26, 2025
یوه افغان ډاکتر هلمند کې د سلګونه تنو وړیا جراحي عملیات کړي
روغتیا

یوه افغان ډاکتر هلمند کې د سلګونه تنو وړیا جراحي عملیات کړي

مې 24, 2025
سور صلیب: تېرکال مو ۳۴ زره تنو ته مصنوعي غړي جوړ کړي
روغتیا

سور صلیب: تېرکال مو ۳۴ زره تنو ته مصنوعي غړي جوړ کړي

مې 22, 2025
د لوی اختر په درشل کې د کانګو ناروغۍ خبرداری؛ بلخ کې یې څلور کسان مړه کړې
روغتیا

د لوی اختر په درشل کې د کانګو ناروغۍ خبرداری؛ بلخ کې یې څلور کسان مړه کړې

مې 21, 2025
خوست کې زرګونه ښځې او ماشومان پر خوارځواکۍ اخته شوي
روغتیا

خوست کې زرګونه ښځې او ماشومان پر خوارځواکۍ اخته شوي

مې 21, 2025

وروستي خبرونه

مسکو: د ممنوعه ډلو له لېست د اسلامي امارت نوم لرې کول د دواړو هېوادونو پر ګټه دي

مسکو: د ممنوعه ډلو له لېست د اسلامي امارت نوم لرې کول د دواړو هېوادونو پر ګټه دي

مې 31, 2025
کابل کې زرګونه لاريون کوونکو پر غزې د اسراییلي ځواکونو بريدونه وغندل

کابل کې زرګونه لاريون کوونکو پر غزې د اسراییلي ځواکونو بريدونه وغندل

مې 31, 2025
عامي روغتیا وزارت د ډاکټرانو او روغتيايي پرسونل ۱۲ سلنه معاشونه کم کړي

عامي روغتیا وزارت د ډاکټرانو او روغتيايي پرسونل ۱۲ سلنه معاشونه کم کړي

مې 31, 2025
پرغزې د اسراییلي ځواکونو خونړيو بریدونو دوام پر نړیواله کچه غبرګونونه پارولي

پرغزې د اسراییلي ځواکونو خونړيو بریدونو دوام پر نړیواله کچه غبرګونونه پارولي

مې 31, 2025
افغانستان او قزاقستان ۳ میلیارد ډالرو ته د سوداګرۍ کچې پر لوړولو خبرې کړې

افغانستان او قزاقستان ۳ میلیارد ډالرو ته د سوداګرۍ کچې پر لوړولو خبرې کړې

مې 31, 2025
د افغانستان خلکو د پراخو لاریونونو له لارې پر فلسطین د اسراييلو ظلم او نسل وژنه وغندل

د افغانستان خلکو د پراخو لاریونونو له لارې پر فلسطین د اسراييلو ظلم او نسل وژنه وغندل

مې 31, 2025
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۳ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist