<h2>د سیاسي چارو یو شمېر کارپوهان وايي، ایران د افغانستان اوبه د خپلو ولسونو د ژوند لپاره آب حیات ګڼي او په افغانستان کې یې د مصرف مخالف دی او په خبره یې دې وروستیو کې یې په دې تړاو د افغانستان پر وړاندې تونده لهجه هم کارولې .</h2><h2>دوی وايي، له تیرو دوه کلونو راهیسې چې تهران کابل ته د ټولګډونه حکومت توصیه کوي له دې یې موخه د افغانستان په نظام کې د هغو کسانو ځای پرځای کول دي،چې د ایران ګټو ته ژمن دي.</h2> <h2> د کارپوهانو په خبره، د افغانستان ګاونډي او د سیمې ځینې هېوادونه په افغانستان کې د ټولګډونه حکومت خبره کوي، چې د دې ترشا دوه موخې تعقیبيږي، د افغانستان نظام ته د دوی نږدي کسانو داخلول،چې ګټې یې وساتي او بل هم پرافغان حکومت فشار دی،چې د دوی په باور د دې لارې به څه ترلاسه کړي.</h2><h2>دغه راز کارپوهان په ټوله کې باور دي، چې پاکستان ، روسیه او ځینې نور هېوادونه هم په افغانستان کې ایران ته ورته ګټې لري.</h2><h2>د سیاسي چارو کارپوه قریب الرحمان شهاب وايي:« د ټولګډونه حکومت غږ چې د سیمې له هېوادونو پورته کېږي، هغوي په دې کې دوه موخې لري، اول دا چې د افغانستان په سیاسي جوړښت خپل لاس پوڅي او عناصر ولري، چې خپلې ګټې پرې تامین کړلی شي او بله دا چې دا مسله دوی د فشار په توګه کاروي چې بیا یو څه ترلاسه کړي.»</h2> <h2>ځينې نور بیا وايي، کوم ټولګډونه حکومت چې د افغانستان ګاونډیان توصیه کوي، افغانانو ته د منلو نه دی.</h2><h2>دوی وايي،هغه هېوادونه چې د کابل لپاره ټولګډونه حکومت غواړي لومړی دې پر ځان تطبیق کړي ، په ایران کې یوازې یوه ډله چې ټول یې اخندان دي، په دغه هېواد کې پر میشتو بېلا بېلو قومونو او مذاهبو د زور حکومت چلوي.</h2><h2>د سیاسي چارو کارپوه سرور نیازی وايي:« کوم ټولګډونه حکومت چې زموږ ګاونډیان غواړي، چې دوي خپلې ګټې د خپلو عناصرو په وسیله تامین کړي داسې ټولګډونه حکومت افغانان نه غواړي، چې ایران په خپله ټولګډونه حکومت نه لري.»</h2> <h2>کارپوهان وايي، د افغانستان ګاونډي او د سیمې ځینې هېوادونه غواړي، چې یو ځل بیا په افغانستان کې د دوی خوښې اداره رامنځ ته شي او د کابل په کورني او بهرني سیاست کې استازی ولري،چې دغې موخې ته د رسیدو لپاره د ټولګډونه حکومت نسخه وړاندې کوي. </h2><h2>د سیاسي چارو کارپوه حکمت الله حکمت وايي:« دغه هېوادونه، چې په حقیقت کې د افغانستان لپاره بد سیاستونه لري، غواړي بیا په افغانستان کې داسې یوه لاس پوڅې اداره رامنځ ته کړي، چې د دوی د ګټو ساتلو لپاره د افغانستان په سیاست کې یې استازي وي.»</h2><h2>د سیاسي چارو کارپوه توریالی ځاځی بیا وايي، له سرپرست حکومت یې غوښتنه داده، چې داسې سیاست غوره کړي،چې له دې وروسته هېڅ هېواد د افغانستان د حکومت د څرنګوالي نسخې وړاندې کولو جرأت ونه کړي.</h2><h2>د ځاځي په خبره، اسلامي امارت باید هغو غونډو او ناستو ته چې د دوي استازو ته په کې د ګډون بلنه نه ورکول کیږي ارزښت ورنه کړي.</h2><h2>هغه زیاته کړې:« امارت اسلامي اوس په ټول افغانستان کې حاکم دی او خپل استقلالیت باید وساتي او هېڅ هېواد باید اجازه ورنه کړي،نه چې د حکومتونو وړاندیزونه ورته وکړي او د نړۍ د هېوادونو هغو غونډو ته ارزښت ورنه کړي،چې د دوی استازي په کې نه وي.»</h2> <h2>په دې تړاو بیا د اسلامي امارت دریځ واضع دی ، کابل تل ټینګار کړی دی، چې حکومت یې ټولګډونه دی سربیره پردې چې په کابینه کې یې د ټولو قومونو او ولایتونو استازي برخه لري، بلکې د مخکېني حکومت ۵۰۰ زره مامورین ورسره کار کوي، چې په کې د ټولو ژبو ویونکي او مذاهبو پیروان شتون لري.</h2> /*! elementor - v3.11.5 - 14-03-2023 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px}<h2>شریک یې کړئ </h2>
