د سټنډرډ ملي ادارې ۵ ټانکره بې کیفیته تېل بېرته ایران ته مسترد کړل

د سټنډرډ ملي ادارې له لورې په خپره شوې خبرپاڼه کې ویل شوي، چې د دې ادارې له لورې په اسلام کلا بندر کې ۵ ټانکره بې کیفیته تیل بېرته ایران ته ور وګرځول شول.

په خبرپاڼه کې ویل شوي، چې په دې وروستیو کې سټنډرډ ملي ادارې په ډېر جدیت سره د بې کیفیته تیلو د واردولو مخنیوي لپاره عملي ګامونه پورته کړي.

دغه راز یادې ادارې له ټولو سوداګرو غوښتي دي،چې هېواد ته با کیفیته توکي وارد کړي، که نه، له ورته قانوني چلن سره به مخ شي.