د سعودي عربستان په همکارۍ ۴۳ تنه نور افغانان له سوډانه اېستل شوي

د ا.ا بهرنیو چارو وزارت  وايي، په سعودي عربستان کې د افغانستان سفارت په هڅو په سوډان کې له بند پاتې افغانانو څخه یې ۴۳ تنه د سعودي عربستان حکومت په همکارۍ جدې ښار ته انتقال کړي دي.

د یاد وزارت مرستیال ویاند حافظ ضیاء احمد تکل پر خپله ټویټرپاڼه لیکلي،دغه افغانان په سعودي  عربستان کې د افغان کونسلګرۍ له لوري هوټلونو کې ځای پرځای کېږي او په لنډ وخت کې به هېواد ته راستانه کړل شي.

تکل زیاته کړې ده،چې  په سوډان کې د نورو بند پاتې افغانانو د را اېستلو هڅې هم روانې دي.

د راپورونو له مخې،په سوډان کې شااوخوا ۱۲۰ افغانان په جګړه کې ایسار پاتې ول.