• English
  • پښتو
  • دری
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
امریکا د افغانستان په اړه د امنیت شورا له وروستي پرېکړه لیکه هرکلی کړی

Security Council meeting Maintenance of international peace and security Vote

امریکا د افغانستان په اړه د امنیت شورا له وروستي پرېکړه لیکه هرکلی کړی

شمشادنیوز by شمشادنیوز
2023/04/30

د ملګرو ملتونو امنیت شورا کې وړمه ورځ د افغان ښځو پر وړاندې د اسلامي امارت له لوري لګېدلو بندیزونو په تړاو ناسته ترسره شوه او د یوې ګډې اعلامیې په خپرولو سره یې په غوڅ اکثریت دغه بندیزونه وغندل.


 په دې ناسته کې د امنیت شورا غړو هېواد په غوڅ اکثریت پرېکړه وکړه،چې د اسلامي امارت له لوري پر افغان ښځو د لګېدلو بندیزونو پر وړاندې به چپه خوله پاتې نه شي.

له دې ناستې ورسته د افغانستان په قضیه کې ښکېل د امریکا یوشمېر چارواکو د امنیت شورا خپره شوې اعلامیه ستایلې ده.


افغانستان لپاره د امریکا ځانګړي استازي، ټوماس وېسټ د امنیت شورا له پرېکړې هرکلی کړی او په یوه غږ یې د افغان ښځو د کار او زدکړو په تړاو د یادې شورا د ګډ دریځ ستاینه کړې.

وېسټ زیاته کړې:«د ملګرو ملتونو امنیت شورا پرېکړه لیک په غوڅ اکثریت د افغانستان د ښځینه وو پر وړاندې چې د افغانستان نیمايي نفوس جوړوي لګېدلي بندیزونه په کلکه غندي. ویاړم،چې د افغانانو د ملاتړ په برخه کې داسې یووالی وینم.»


په ورته وخت کې د افغانستان ښځو لپاره د امریکا ځانګړې استازې، رینا امیري هم د ملګرو ملتونو امنیت شورا له وروستي پرېکړه لیکه د ملاتړ ترڅنګ، د اسلامي امارت له لوري پر افغان ښځو او نجونو لګېدلي بندیزونه او دوام غندنه کړې او یاد بندیزونه یې ظالمانه بللي دي.

هغې زیاته کړې:« موږ باید د ټولو افغان ښځو چې د خپلو حقونو د ترلاسه کولو او په ټولنه کې  د مانا لرونکي شمولیت لپاره غږ پورته کوي ملاتړ وکړو. د ملګرو ملتونو امنیت شورا پرېکړه لیک،چې پکې د افغان ښځو او نجونو پر وړاندې یې د سختو بندیزونو لګول غندي؛ په دې برخه کې زموږ د روښانه او ګډ دریځ ښکارندویي کوي. موږ ته د طالبانو له لوري د افغانستان د نیمايي نفوس پر حقونو لګېدلي بندیزونه هېڅکله د منلو نه دي. طالبان باید پر دغو ظالمانه بندیزونو له سره کتنه وکړي.»


دغه راز د افغانستان سولې لپاره د امریکا مخکېني ځانګړي استازي زلمي خلیلزاد هم د امنیت شورا له وروستي پرېکړه لیکه هرکلی کړی دی.

هغه زیاته کړې:« زه د افغانستان په تړاو د ملګرو ملتونو د امنیت شورا له پرېکړه لیک هرکلی کوم. دغه پرېکړه لیک په ټوله کې د افغانستان او په ځانګړې توګه د افغان ښځو او نجونو د حقونو په تړاو نړیوالې غوښتنې منعکسوي. دا ډېره اړینه ده،چې نړیواله ټولنه له افغانستان سره د تعامل په برخه کې د تګلارې جوړولو پر څرنګوالي کار وکړي،د دې لپاره قطر کې جوړېدونکه ناسته یو ښه فرصت دی.»


خو بل پلو  د سیاسي چارو شنونکي بیا تېرو ناستو پایلو ته په کتو د یادې ناستې پایلو ته هم د شک په سترګه ګوري او باور لري،چې ورته ناستې چې له دې مخکې هم ترسره شوي،خو دا چې ډېری په درېیم هېواد کې دي او د اسلامي امارت له حضور پرته ترسره شوي له همدې کبله یې محسوسې پایلې یې نه دي لرلي.


امریکايي چارواکي داسې مهال افغانستان سره د نړیوالې ټولنې د تعامل خبره کوي،چې تېره اوونۍ د ملګرو ملتونو د عمومي منشي مرستیالې امینې محمد په قطر کې د افغانستان په تړاو د ناستې جوړېدو خبر ورکړی او دایې وویل،چې ښايي په دې ناسته کې د اسلامي امارت د رسمیت پېژندنې په تړاو هم خبرې ترسره شي،چې د نوموړې دغه څرګندونې له بېلابېلو غبرګونونو سره مخ شوې.


شریک یې کړئ

ShareTweetShareSendSend

Related News

د ترک دولتونو سازمان افغانستان کې د ټولګډونه حکومت پر جوړېدو ټینګار کړی
افغانستان

د ترک دولتونو سازمان افغانستان کې د ټولګډونه حکومت پر جوړېدو ټینګار کړی

مې 25, 2025
د مخابراتو وزارت سرپرست تاشکند کې درې اړخیزه ناسته کې  ګډون کړی
افغانستان

د مخابراتو وزارت سرپرست تاشکند کې درې اړخیزه ناسته کې  ګډون کړی

مې 25, 2025
 د امریکا دفاع وزارت له افغانستانه د امریکايي ځواکونو وتلو په اړه د حساب ورکولو بهیر پیل کوي
افغانستان

 د امریکا دفاع وزارت له افغانستانه د امریکايي ځواکونو وتلو په اړه د حساب ورکولو بهیر پیل کوي

مې 25, 2025
چارواکي: د بخش آباد بند انحرافي تونلونو رغنیزې چارې به ژر بشپړې شي
افغانستان

چارواکي: د بخش آباد بند انحرافي تونلونو رغنیزې چارې به ژر بشپړې شي

مې 24, 2025
غاور: له ټرافیکي قوانینو پر سرغړونې جریمه ټاکل کېږي
افغانستان

غاور: له ټرافیکي قوانینو پر سرغړونې جریمه ټاکل کېږي

مې 24, 2025
د بحران نړیوالې ډلې د افغان کډولو په اړه له اروپايي ټولنې پر پاکستان د فشار راوړلو غوښتنه کړې
افغانستان

د بحران نړیوالې ډلې د افغان کډولو په اړه له اروپايي ټولنې پر پاکستان د فشار راوړلو غوښتنه کړې

مې 24, 2025

وروستي خبرونه

د ترک دولتونو سازمان افغانستان کې د ټولګډونه حکومت پر جوړېدو ټینګار کړی

د ترک دولتونو سازمان افغانستان کې د ټولګډونه حکومت پر جوړېدو ټینګار کړی

مې 25, 2025
د مخابراتو وزارت سرپرست تاشکند کې درې اړخیزه ناسته کې  ګډون کړی

د مخابراتو وزارت سرپرست تاشکند کې درې اړخیزه ناسته کې  ګډون کړی

مې 25, 2025
 د امریکا دفاع وزارت له افغانستانه د امریکايي ځواکونو وتلو په اړه د حساب ورکولو بهیر پیل کوي

 د امریکا دفاع وزارت له افغانستانه د امریکايي ځواکونو وتلو په اړه د حساب ورکولو بهیر پیل کوي

مې 25, 2025
چارواکي: د بخش آباد بند انحرافي تونلونو رغنیزې چارې به ژر بشپړې شي

چارواکي: د بخش آباد بند انحرافي تونلونو رغنیزې چارې به ژر بشپړې شي

مې 24, 2025
یوه افغان ډاکتر هلمند کې د سلګونه تنو وړیا جراحي عملیات کړي

یوه افغان ډاکتر هلمند کې د سلګونه تنو وړیا جراحي عملیات کړي

مې 24, 2025
غاور: له ټرافیکي قوانینو پر سرغړونې جریمه ټاکل کېږي

غاور: له ټرافیکي قوانینو پر سرغړونې جریمه ټاکل کېږي

مې 24, 2025
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۳ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist