اوچا یو ځل بیا افغانستان کې بشري مرستو لپاره د بسپنې غوښتنه کړې

د ملګرو ملتونو د بشري مرستو همغږۍ ادارې (اوچا) پر خپله ټویټرپاڼه لیکلي، په ۲۰۲۳ زیږدیز کال کې ۴.۶میلیارده ډالرو بسپنې ته اړتیا لري، چې افغانستان کې له څه باندې ۲۰میلیونه اړمنو سره مرسته وکړي.

د اوچا موندنو پر اساس د افغانستان ۴۳.۱ میلیونه نفوس کې ۲۸.۳میلیونه وګړي مرستو ته اړتیا لري، چې  ۵۱سلنه یې نارینه او ۴۹سلنه یې ښځینه دي.

اوچا زیاته کړې، که بسپنه ورکړل شي، پلان لري، په روان کال کې ۲۳.۷میلیونه افغانانو ته بشري مرستې ورسوي.