مومند وايي،غوړي،غنم ، تیل او اوړه هغه توکي دي،چې د نورو هېوادونو پرځای له روسیې ا خېستل کیږي،چې له دې سره به په افغانستان کې د توکو بیه راټیټه شي او د خلکو اقتصاد به هم ورسره ښه شي.
مومند زیاته کړه:« زموږ سوداګر به وشي کولای شي،چې په مستقیم له روسیې غوړي،غنم او تیل راونیسي،چې دا به د افغانستان د خلکو په اقتصاد کې پرمختګ وي. له دې سره به هم ټول مواد ارزانه تمام شي او هم د کیفیت له پلوه به ښه وي.»
خو د سوداګرۍ وزارت بیا وايي،د افغانستان او روسیې ترمنځ په دې تړاو لومړنۍ خبرې او بحثونه شوي دي،خو تراوسه هوکړې ته سره نه دي رسیدلي.
د یاد وزارت ویاند سلیمان شاه ظهیر په کابل او نورو ښارونو کې د لومړنیو توکو د بیې له راټیټیدو هم خبر ورکړ.
ظهیر زیاتوي:«د افغانستان او روسیې ترمنځ مقدماتي مذاکرات شوي او تر اوسه پورې کومې موافقت نامې ته نه دي رسیدلي،خو په بازارانو کې د غوړیو، اوړو او نورو اولیه موادو قیمتونه راکم شوي دي.»
