د امریکا د فدرال څېړنېزې ادارې خبر ورکړی، چې د دوی ایمیلونه تر سایبري برید لاندې راغلي او د هغوی له ادرس څخه خلکو ته سل زره ایمیلونه استول شوي دي.
فدرال اداره وايي، دغه ایمیلونه د دوی په سپم برخه کې وو، چې زرګونه کسانو ته لېږل شوي دي.
په دغو ایمیلونو کې، چې یو شمېر یې ځینو شرکتونو ته استول شوي، هغوی ته په کې د سایبري بریدونو ګواښ شوی دی.
امریکايي رسنۍ وايي، دا لومړی ځل دی، چې هېکران د ایف بي آی برېښنالیکونو ته لاسرسی پیدا کوي او نورو ادرسونو ته ترې له ګواښ ډک ایمیلونه استوي.
د فدرال څیړنیزه اداره او د کورني امنیت څانګه وايي، لا تر مخې دوی ته ځینې نښې نښانې څرګندې شوې وې، چې سایبري برید پرې کېږي.
