بارکزی زیاتوي:« درېیم رقم یي دا دي،چې نړیوال بانک او ځینو انجوګانې له موږ سره همکارې دي،د هغې کارونه پر ټپه ولاړ دي او موږ ورسره په اړیکه کې یوو،چې ان شاءالله په نږدې راتلونکي کې به د هغو کارونه هم پیل کړو.»
د کابل ښاروالۍ د غصب شویو ځمکو او املاکو د بېرته راګرځولو خبره هم کوي،چې په وینا یې د تېرو سلو کلونو اسناد او مدارک ورسره دي او ټولې دولتي او خصوصي ځمکې په کې مالومې دي،چې غصب شوې دولتي ځمکې به بېرته راوګرځوي.
بارکزی وايي:«غاصب نور هېڅ وخت له خپل نفوذ کار نه شي اخیستی. ولې چې د کابل ښاروالۍ کتابونه او اسناد هر څه موجود دي،که تپه وي او که کوڅه یا بل ځای مالوم دي. چې دولتي دي که شخصي او دا د محکمې کار دی او موږ ورسره سل په سلو موافق یوو.»
د خلکو غوښتنه له اسلامي امارته همدا ده،چې ټولې پر ټپه ولاړې پروژې بېرته پیل کړي او ګټې اخیستنې ته یې برابرې کړي.
