د کام ایر هوايي شرکت مسولین وایي، لومړنۍ الوتنه یې له کابل ابوظبۍ ته دی او ترڅنګ یې له ترکیې سره هم خبري رواني دي،ترڅو د الوتنو زمینه برابره شي.
د یاد شرکت مشر زمری کامګار وايي: «وړاندې زیاتي ستونزي وې او اوس دغه ستونزي حل شوي دي.موږ ته یو شمیر هېوادونه اجازه نه راکوي،چې الوت وکړو،خو چهارشنبه به لومړی پرواز ابوظبی ته وي. د ټکټونو بیې مو هم ټیټې کړي دي. له کابل ابوظبۍ ته به ۵۵۰ ډالر وي.»
په ورته وخت کې کامګار وایي، ډېر ژر به له کابله تاشکند او ترکیې ته هم الوتنې پيل کړي.
کامګار وايي: «د اسلامي امارت مسولینو د ازبکستان له چارواکو سره خبري کړي دي. ډېر ژر به له کابله تاشکند ته هم الوتنې پيل کړو او له ترکې هېواد سره هم خبري شوي دي.»
بل خوا اسلامي امارت د مطبوعاتو غړی بلال کریمي وايي،نړیوالې الوتنې نه دي پیل شوي او یو شمیر اختصاصي الوتنې شته او نړیوالو الوتنو ته زمینه نه ده برابره شوې.
کریمي وايي: «ځیني اختصاصي الوتنې شته دی،خو په عمومي ډول الوتني نه دي پیل شوي نړیوالو هېوادونو ته.»
دغه هوايي شرکت وايي، پاکستان ته هم بېرته الوتنې پیل کوي،ځکه وړاندې د هوايي ټکټونو بیو لوړیدو د خلکو نیوکې راپارولې وې،خو اوس کار روان دی،چې له کابله اسلاماباد ته د یو طرفه ټیکټ بیه څلور سوه ډالرو ته را ښکته شي.
