ایران په کندهار کې د وروستۍ پېښې قربانیانو سره مرسته وکړه

ایران په بېلابېلو توکو بار یوه الوتکه مرستې کندهار ته را رسولي، چې د تېرې جمعې ورځې د برید  د قربانیانو پر کورنیو  به وویشل شي.

تهران له دې وړاندې په کندز کې د داعش ډلې تر برید وروسته یاد ولایت ته د لومړنیو طبي مرستو سربېره بشري مرسته رالېږلې وه.

ایران کندهار کې پر شعیه لمونځ کوونکو برید غندلی او ډاډ یې ورکړی، چې د ټپيانو درمنله هم کوي.

د ایران ولسمشر د کندهار او کندز پېښو ته په اشارې ویلي، حکومت یې چمتو دی له طالبانو سره په افغانستان کې د ثبات او امنیت برخه کې مرسته وکړي.