روغتیا نړیوال سازمان: د کرونا پېښې ورځ تر بلې پر کمېدو دي

د روغتیا نړیوال سازمان مشر ټیډروس ادانوم ویلي، له تېر یوه کال راهیسې د کرونا پیښې په خپله ټیټه کچه کې دي، خو ګواښ یې لا تر اوسه پای ته نه دی رسېدلی.

ادانوم زیاته کړې، چې اوس هم پر نړیواله کچه د اونۍ ۵۰ زره کسان د کرونا له امله مړه کېږي.

د روغتیا سازمان چارواکو ویلي، دا ویروس ژر ختمېدوونکی نه دی او باید ډېر احتیاط ورسره وشي.

ادانوم د تېر په څېر یو ځل بیا پر نړیوالو غږ وکړ، چې د واکسینو تطبیق دې عام کړي او په مساوي توګه دې و ویشل شي.

نووړي همدا راز په مخ پر ودې هېوادونو کې د بد روغتیايي وضعیت اندئښنه هم څرګنده کړه.