ونډي شرمن: امریکا د افغانستان په تړاو له هند سره ګد فکر او تګلاره لري

د امریکا بهرنیو چارو وزارت مرستیالې مېرمن ونډي شرمن ویلي، هندوستان او امريکا متحده ايالات د افغانستان په اړه یو ګډ فکر او یوه تګلاره لري.

شرمن ویلي، د هندوستان امنیتي اندېښنې د واشنګټن لپاره لومړیتوب او محوري ارزښت لري.

د طالبانو له واکمنېدو وروسته هند سره اندېښنه ده، چې کابل کې به د دوی پر ضد ذهنیت جوړونه وشي او افغان خاوره به یې پر ضد وکارول شي، خو طالبانو بیا په ټینګار ګاونډیانو، سیمې او نړیوالو ته ډاډ ورکړی، چې اجازه به ور نه کړي، تر څو خاوره یې د نورو پر ضد وکارول شي.