<h4>رویټرز خبري اژانس خبر ورکړی دی،چې یوه ډله پيلوټان،چې له څه باندې یوې میاشتې راهېسې ازبکستان کې میشت شوي ول، پرون متحده عرب اماراتو ته روان شول.</h4> <!--more--> <h4>د یاد اژانس په خبره، د پيلوټانو دغه بهیر د یکشنبې پرر ورځ پیل شوی او ښايي څو ورځې نور به هم دوام وکړي.</h4> <h4>دغو افغان پیلوټانو له افغانستان نه د تلو پر مهال ځانونو سره ۴۶ الوتکې هم وړي او تر اوسه په ازبکستان کې ولاړې دي.</h4> <h4>د اګست د میاشتې په ۱۵ مې نیټې کابل ته د طالبانو له راتګه یوازې،څو ساعته وروسته د افغانستان د نظامي پرسونل ۵۸۵ غړي له خپلو کورنیو سره یو ځای په ۲۲ نظامي الوتکو او ۲۴ هیلو کوپترو کې د کابل د نړیوال هوایي ډګر نه ازبکستان ته ولاړل.</h4> <h4>تر اوسه مالومه نده،چې له ازبکستانه متحده عرب اماراتو ته تللي افغان پیلوټان به کوم هېواد یا هېوادونو ته یوړل شي،خو امریکایۍ ورځپاڼې وال سټریټ ژورنال د شنبې په ورځ ویلي ول،چې ښایي دا افغان پیلوټان لومړی قطر او له هغه ځایه یو درېیم هیواد ته ولېږدول شي.</h4> <h4> </h4>