د افغانستان ا.ا ویلي، له هند سره په خبرو بوخت دي او دغه هېواد ته یې روښانه کړې، چې له افغان خاورې به هېڅ راز ګواښ دوی ته نه پېښېږي.
په ورته مهال هندوستان ویلي، نړیوال باید د افغانستان په اړه یوې ګډې پرېکړې ته ورسېږي.
د هند د بهرنیو چارو وزیر جي شینکر ویلي، افغانستان کې د روان وضعیت په اړه مالومات لري او په دې تړاو باید نړیوال هم خپل دريځ روښانه کړي.
طالبانو ویلي، له ګاونډیو، سیمې او د نړۍ له ټولو هېوادونو سره حسنه او متقابلې اړیکې غواړي.