دوی وايي، دا د هر وګړي حق دی چې له قانوني لارو بهر ته تګ راتګ وکړي او غوښتنه کوي چې له روان وضعیت نه دې بهرنیان غلطه استفاده نه کوي.
د سیاسي چارو شنونکی حکمت حکمت وايي: «ټول افغانان قانوني حق لري چي له هېواد څخه بهر ولاړ شي او هېڅوک یې مخنیوی نه شي کولای، بلکې امریکا دې له دغه حالت څخه ګټه نه پورته کوي.»
ځیني نور بیا له افغانانو غواړي چې له زغم او حوصلې دې کار واخلي او تر هغې چې الوتنې نه وي پیل شوي، بهر ته د تلو هڅې دې نه کوي.
د سیاسي چارو شنونکی حسن حقیار وايي: «ټول افغانان کولای شي، له هېواد څخه بهر ولاړ شي، خو تردې مهاله پوري به هوايي ډګرونه نه وي فعاله، د پاسپورټ سیستم نه شته نو د حکومت له فعاله کیدو سره به هرڅه عادي حالت ته راوګرځي.»
بل پلو د امریکا د متحده ایالاتو د بهرنیو چارو وزیر انتوني بلېنکن د دوشنبې په ورځ د قطر پلازمینې دوحې ته رسېدلی او هلته به د طالبانو د سیاسي رهبرۍ غړو سره افغانستان کې پر روان وضعیت او دلته د پاتې بهرنیو وګړو او افغان کارکوونکو په تړاو خبرې وکړي.
