د کارګرانو ټولنې ویلي، که افغانستان کې نوی حکومت اعلان نه شي، د بېکارۍ کچه به لا زیاته لوړه او خلک به د هېواد پرېښودو ته اړ شي.
د اسلامي امارت له راتګ او د حکومت اعلان ځنډ سره په میلیونونو افغانان بې روزګاره شوي او د فقر کچه د زیاتېدو په حال کې ده.
ستونزه دا ده، چې له بې روزګارۍ سره بیا د خوراکي او غیر خوراکي توکو بیې هم لوړې شوې دي، چې خلک یې د اخیستو توان نه لري.
د کارګرانو ټولنې ویلي، که وضعیت همداسې دوام وکړي، افغانستان به له سخت اقتصادي بحران سره مخامخ شي.