د برتانیا پوځ مشر جنرال سر نيک کارټر ویلي، طالبان به په راتلونکو څو ورځو کې یو حکومت اعلان کړي.
د نوموړي په وینا، دا به له وخت مخکې وي، چې ووایي طالبان به څنګه حکومت جوړوي، خو په خبره یې احتمال شته، چې طالبان به د پخوا په څېر سخت چلند ونه کړي.
کارټر ویلي، ډېر خلک د طالبانو د پرمختګ چټکتیا ته حیران دي.
تر دې وړاندې تېره اونۍ د بریتانیا د بهرنیو چارو وزیر ډومېنیک راب د خپل هېواد پارلمان ته ویلي وو، استخباراتي ارزونه داسې وه، چې اګست کې به د افغانستان امنیتي وضعیت په پرلپسې توګه خراب شي، خو داسې ګومان نه کېده، چې کابل به سږ کال سقوط وکړي.