Skip to content
افغانستان کې د سور صلیب کمېټې ویلي، افغانستان له تېرو ۴۰ کلونو راهیسې جګړو سخت ځپلی او د بیا جوړېدو لپاره کلونه کار کولو ته اړتیا لري.
یادې کمیټې ویلي، د افغانستان بیا جوړونه کې به ونډه واخلي او مرسته به وکړي.
د سره صلیب کمېټې مشر پیټر ماورېر ویلي، افغانستان ته به لاړ شي او له افغانانو سره به خبرې وکړي، چې څنګه کېدای شي مرستې ورسره وکړي.
نوموړي ویلي، دی به افغانستان کې د سره صلیب فعالیتونه وڅاري او له افغانانو سره به خبرې وکړي، چې په لنډمهال، منځ مهال او اوږدمهال کې څه غوښتنې لري.
پيټر ویلي، افغانستان کې به له چارواکو سره هم خبرې وکړي او ډاډ به ورکړي، چې دوه اړخیز، بې پرې او خپلواک بشري عمل به د دوی د کار اساس جوړوي.
