افغان سوداګر: تورخم دروازه کې دې د پلټنې چارې چټکې شي

افغان سوداګر غوښتنه کوي، چې په تورخم دروازه کې دې یو سکنر د افغانستان او یو بل هم د پاکستان لخوا نصب شي، تر څو موټر په چټکۍ وپلټل شي او ډېر وخت ضایع نه ‌شي.

سوداګر شکایت کوي، چې اوس په تورخم کې تازه مېوه د خرابېدو له ګواښ سره مخ ده.

سوداګر وايي، چې له تېرو پنځو ورځو راهیسې د تازه مېوو موټرونه ولاړ دي او که اجازه ورنه ‌کړل شي په ملیونونه افغانۍ زیان به ورته ورسېږي.

د مالوماتو له مخې، تورخم کې په ساعت کې دوه موټرو ته د تګ راتګ اجازه ورکول کېږي.