د امریکا متحده ایالتو لوی درستیز جنرال مارک میلي ویلي، امریکا چمتو ده،چې له طالبانو سره د ترهګرۍ پر وړاندې مبارزه کې همغږي وکړي.
مېلي ویلي،د طالبانو راتلونکی حکومت که د ترهګرو ډلو او په ځانګړې توګه د داعش پر وړاندې جګړه کول غواړي، امریکا یې همکاره ده.
هغه زیاته کړې، له طالب مشرانو سره همغږي کول غواړي،ترڅو د داعش او نورو وسله والو ډلو پر ضد هوايي بریدونه تر سره کړي.
مېلي دا خبرې داسې مهال کوي،چې امریکايي قوماندانو له طالب چارواکو سره له تېرو درې اونیو راهیسې د کابل په هوايي ډګر کې پراخه همغږي درلوده.