Skip to content
د ملګرو ملتونو امنیت شورا پرون ناوخته په خپله غونډه کې وویل، هغه افغانان، چې ځان په خطر کې احساسوي او دغه راز بهرنیان باید پرېښودل شي، چې له افغانستانه ووځي.
د امنیت شورا غړیو په یوه پرېکړه لیک کې طالبانو ته خبرداری ورکړی، چې د سې شنبې په ورځ د کابل له هوايي ډګره د امریکايي پوځیانو له وتلو وروسته پر خپلو ژمنو ودرېږي.
دې شورا د طالبانو له لوري د یو شمېر خلکو د مخنیوي یادونه هم کړې ده.
پرېکړه لیک، چې مسوده یې بریتانیا، امریکا او فرانسې چمتو کړې وه، د روسیې او چین په ګډون د امنیت شورا ټولو ۱۳ حاضرو غړیو په یوه خوله تصویب کړه.
امنیت شورا ۵ دایمي او ۱۰ غیر دایمي غړي لري، خو د تېرې شپې په غونډه کې ۱۳ غړیو یې ګډون درلود.
