سره له دې چې د حامد کرزي نړیوال هوايي ډګر ته په ورتګ ۴۸ ساعته بنديز لګيدلی، خو زرګونه کسان،چې ښځې، ماشومان او ځوانان هم په کې دي،په بېلابېلو دروزاو کې منتظر دي.
ډېری کسان اسناد هم نلري او د هغو خلکو کار يې ستونزمن کړی،چې له بهرنيانو سره يې کار کړی دی.
بهر ته تلونکی :« د ۲۰۲۱ زېږدیز کال اسنادونه هم راسره دي. دلته راغلم،چې خپل اسناد ورته وښیم، خو ګڼه ګوڼه ډېره زیاته ده.»
د هوايي ډګر پ دننه هم زرګونه کسان په دې تمه دي،چې له هېواد څخه ځان او کورنۍ وباسي.
په دغه ګڼه ګوڼه کې یو شمېر کسانو خپل ژوند هم له لاسه ورکړی او دوو مېندو اولادونه زيږولي دي.
ځينې کسان،چې له هوايي ډګره بېرته راوتلي وايي، دننه هلته يو بوتل اوبه په شااوخوا زر افغانۍ او يو خوراک ډوډۍ په ډېره لوړه بيه پلورل کېږي.
بهر ته تلونکی :« هېڅ مالومات نه راکوي. هېڅ راته نه وايي. له وهلو ډبلو بل څه نه شته. ډزې کوي او اوښلن ګازکاروي. »
بهر ته تلوونکی:« هوايي ډګر دننه تللي وه،خو په وهلو ډبلو یې بېرته له هوايي ډګره راواېستلو. اسناد لرو، خو زموږ لپاره څه نه کېږي.»
د هوايي ډګر په دننه کېدو اته څلوېښت ساعته بنديز لګيدلی.
تراوسه پورې يوازې امريکا په تېره يوه مياشت کې شااوخوا څوارلس زره کسان له افغانستا ن اېستي دي.
بهر ته تلونکی :« هوايي ډګر ته ټول عام خلک راغلي دي. اسناد نه لري او ګڼه ګوڼه یې جوړه کړې. نه مالومېږي،چې څوک اسناد لري او څوک یې نه لري.»
له کله،ؤچې طالبانو د کابل واګی ترلاسه کړی، ډېری هغه کسان چې له بهرنيانو سره يې کار کړی دی، د هېواد دپرېښودلو په هڅه کې دي.