Skip to content
د بریټانیا پخوانی لومړی وزیر ټوني بلیر وايي، د افغانستان اوسنی حالت د امریکايي ځواک د وتلو لپاره مناسب وخت نه دی او د بایډن دغه پریکړه به ډېره ګواښوونکې تمامه شي.
بلیر زیاته کړه:« اوس دا ټول زموږ د امنیت پورې اړه لري.هلته القاعده شته، ترڅنګ یې داعش ډله هم هلته موجوده ده. زه فکر کوم،چې هغوی به هلته اوس نور هم امن شي، پیاوړي به شي. موږ اوس د دې پرېکړې پلوي نه یو. هغوی ورته خوشالېږي،چې د لویدیځ د ګټو پلویان نه دي.»
بلیر د امریکا متحده ایالتو دغه پرېکړه په اوسني وضعیت کې غیر اړېنه وبلله.
اخوا د امریکا متحده ایالتو ولسمشر جو بایډن د ټوني بلیر د خبرو پر وړاندې ویلي، تبصرې اسانې دي،خو امریکايي ځواک تر ټولو اوږده جګړه کړې او میلیاردونه پیسې یې مصرف کړي دي.
بایډن زیاته کړې:« دا تر ټولو لومړنی تصمیم و. امریکايي ځواکونو باید افغانستان پریښی وای او شل کلنه جګړه پای ته رسیدلې وای. تبصرې اسانه دي،خو پر دې جګړې زموږ هره ورځ ۱۵۰ میلیونه ډالر لګښت کېده. موږ هلته زرګونه سرتېري قربان کړل او زرګونه نور ټپي خپل هېواد ته راستانه شول. موږ باید د دغې جګړې د پای تصمیم نیولای وای.»
د امریکا ولسمشر بایډن په کابل کې د هوايي ډګر د وضعیت په تړاو خواشیني وښوده،خو زیاته یې کړه،چې امریکا زرګونه کسان وباسي او د زرګونو نورو کسانو په اېستلو کې دغه ډول حالت باید پیښ شي.
بل لور ته د جي ۷ سرمشريزه پلان لري،چې د افغانستان په تړاو بېړنۍ ناسته ترسره کړي.
د دغې سرمشریزې اړین او سرلاري هېوادونه بریټانیا، امریکا او کاناډا ګڼل کېږي.
