پخواني ولسمشر محمد اشرف غني، چې تېره شپه یې له متحده اماراتو څخه خپل ولس ته وینا کوله، طالبان ملامت کړل چې، کابل ته د نه داخلېدو په ژمنه ونه درېدل او د ارګ تر دروازو را ورسېدل
غني کابل ته د طالبانو راتګ دسیسه وبلله او په وینا یې له وتلو وروسته طالبانو د ارګ ماڼۍ په اتاقونو کې د ده لټون کاوه.
هغه وویل، له مرګ نه دی ډار شوی بلکې، هېواد کې د یوې سترې فاجعې او د زرګونو افغانانو د وژلو مخنیوي لپاره له هېواده وتلو ته اړ کړل شو.
ولسمشر هغه کسان وننګول چې، دی یې د هېواد په خرڅولو تورن کړی.
غني زیاته کړه، په داسې یو وضعیت کې هېواد نه وتلو ته مجبور شو چې، د خاطراتو کتابچو او کتابونو د راټولو وخت څه، چې ان د بوټانو پښو کولو ته هم پرېنښودل شو.