په هېټي کې د رېښتر پر کچه ۷ اعشاریه ۲ درجې زوروره زلزله شوې،چې له امله یې ۳۰۴ کسان مړه او ۱۸۰۰ ډېر کسان ژوبل شوي دي.
د زلزلې مرکز د سن لوییس دو سود ښار د سویل ۱۲ کیلومترۍ کې ثبت شوی دی.
مرستندویان او ژغورندویه ډلې لا هم تر نړېدلو ودانیو لاندې د احتمالي بندو پاتې کسانو په لټون بوختې دي.
راپورونه وايي، دا زلزله دومره پیاوړې وه،چې له مرکزه یې ۱۲۵ کیلومتره اخوا د هېټې پلازمېنه پورتو پرېنس او د کارائیب نورو هېوادونو کې هم حس شوې ده.
د هېټي لومړي وزیر ارییل هانري د پراخې ویجاړۍ خبر ورکړی او یو میاشتنی بېړنی حالت یې اعلان کړی دی.
هېټي کې د ۲۰۱۰ کال زلزله کې تر ۲۰۰ زره ډېر کسان مړه شوي ول.