د بریتانیا اندېښنه: افغانستان کې به یو ځل بیا القاعده ډله فعاله شي 

د طالبانو لخوا د ګڼ شمېر ولایتونو تر نیول کېدو وروسته بریتانيا اندېښمنه ده، چې په افغانستان کې به یو ځل بیا القاعده شبکه فعاله شي.

د بریتانیا دفاع وزیر بن والاس ویلي، اندېښنه له دې لري چې یو ځل بیا به افغانستان کې القاعده پیاوړې شي او د ټولې نړۍ لپاره به په سرخوږي بدله شي.

بن والاس ویلي، القاعده شبکه هڅه کوي، چې له افغانستان ګټه پورته کړي او په دغه هېواد کې ځان ته ځینې خوندي سیمې پیدا کړي.

خو د افغان حکومت سربېره، طالبانو له امریکا سره په شوې هوکړه کې منلې، چې د افغانستان خاوره به د چا پر خلاف نه کارېږي.