د امریکا ولسمشر جو بایډن تازه پرېکړه کړې،چې افغانستان ته به پنځه زره سرتېري رالېږي.
بايډن طالبانو ته خبرداری ورکړی،که د امریکا ګټې د دوی له خوا په نښه شي،د چټک او غښتلي نظامي غبرګون سره به مخامخ شي.
بایډن ویلي،د بهرنیو چارو وزیر انتوني بلېنکن به له افغان ولسمشر محمد اشرف غني او نورو افغان سیاسي مشرانو سره اړیکه ونیسي او هڅه به وکړي، چې د وینې توئیدنې مخنیوي لپاره د سیاسي جوړجاړي لار غوره کړي.
لا مالومه نه ده، چې بایډن به دغه سرتېري کله رالېږي او چېرته به ځای پر ځای کېږي،خو طالبانو تل په افغانستان کې د بهرني نظامي حضور مخالفت کړی او د دیپلوماتیکو اړیکو او تګ راتګ د پیاوړتیا غوښتنه یې کړې ده.