Skip to content
د افغانستان کورنيو چارو وزارت سرپرست، جنرال عبدالستار میرزکوال پرون ورځ ناوخته د کابل ولایت چهاراسیاب ولسوالۍ له امنیتي مسوولینو سره کتلي او د لوګر له سقوط وروسته یې په چهاراسیاب کې د عملیاتو خبره کړې ده.
میرزکوال د امنیتي مسوولینو ستونزې او امنیتي ننګونې ارزولي او د وضعیت د ښه والي په برخه کې یې ورته لارښوونې کړې دي.
چهاراسیاب ولسوالۍ کې شته سرتېرو ژمنه کړې، چې د ژوند تر وروستۍ سلګۍ به جګړه کوي.
کورنیو چارو وزارت دا اقدام وروسته له هغې کوي، چې طالبانو په دې وروستیو کې شاوخوا ۱۸ ولایتونه ونیول او د نورو د نیولو هڅې کوي.