د ملګرو ملتونو په امنیت شورا کې د امریکا یوه لوړپوړي دیپلومات جیفري ډیلارنټس په خپلو خبرو کې پر طالبانو غږ کړی، چې بریدونه ودروي، سیاسي هوکړه ومني او له ورانیو او وژلو لاس واخلي.
جیفري ډیلارنټس ویلي، طالبان باید پوه شي، چې نړیوال نه په زوره د افغانستان نیول مني او نه هم اسلامي امارت مني.
له بل لوري امنیت شورا کې د چین مرستیال استازي، دای بینګ هم ویلي، امریکا ویلي،په افغانستان کې د امن او ثبات د ټینګښت لپاره هڅو ته دوام ورکوي او په وینا یي دوی تمه لري، چې امریکا به خپلې ژمنې پوره کوي.
نوموړي دغه راز ویلي، چې له افغانستانه د بهرنیو ځواکونو په وتلو کې دې د سیمې له هېوادونو سره پاکې خبرې وشي.
هغه زیاته کړې، بهرني ځواکونه باید رامنځته شوې ستونزې همداسې پرېنږدي او اوږه خالي نه کړي.