په سویلي ولايتونو کندهار، هلمند، زابل، ارزګان او نیمروز کې د ګڼو ولسواليو تر سقوط وروسته یو ډله ځوانان د خراب امنیتي وضیعت په اړه کابل ته په شکایت راغلي، چې ګوندي مرکزي حکومت او نړیواله ټولنه یې غږ واوري.
دوی وایي، جګړې په ښار کې د خلکو ارام اخېستی او په خورا بد وضعيت کې ژوند تېروي.
یو تن اعتراض کونکی: «جګړه د ښار منځ ته رسېدلې، د هلمند په مرکزي واټونو طالبان ګرځي.
اعتراض کوونکی: «ملګري ملتونه او نړيواله ټولنه بايد مداخله وکړي، ترڅو جګړه راکمه کړي.»
د دوی په وينا د ښار په څنډو کې هر کور او کوڅه د جګړې په سنګر بدله شوې او خلکو ته دومره فرصت نه شته چې خپل مال او عيال د جګړې له اوره وباسي.
عامه خدمتونو په نشت حساب دي او روغتونونو ته نه لاسرسي له کبله د ګڼو ټپيانو ژوند اخلي.
اعتراض کونکی: «جګړه زموږ په کورونو کې ده، موږ ته فرصت نه شته، چې خپل سرونه د جګړې له سیمو وباسو. دوی دې يا زموږ په کورونو کې جګړه نه کوي او يا دې موږ ته د وتلو فرصت راکړي.»
اعتراض کوونکی: «موږ د جنګ له ښکيلو غاړو چې زموږ له کورنو څخه دې د مورچل په توګه استفاده نکوي، دوی دې زمونږ تورې نه بې پته کوي.»
د لوی کندهار دا ډله ځوانانو له سوداګرو او هېوادوالو غوښتنه وکړه چې بشري مرستې دې نه سپموي او نړيوالې خيري ټولنې دې هم ژرترژره هلته بشري مرستې ورسوي.