Skip to content
ترکي چارواکي وايي، په سوېلي انتالیا ولایت کې د اور وژنې دوه نور کار کوونکي هم اورونو مړه کړي،چې په دې سره د ځنګليز اورونو له امله د مړو شویو کسانو شمېر ۶ ته لوړ شو.
د چارواکو په خبره، په دې ځنګلیز اورونو کې یو شمېر کسان ژوبل شوي هم دي.
دا اورونه دوه ورځې وړاندې د سوېلي انتالیا ولایت په مارماریس او بوډرم سیاحتي ښار ګوټو کې لګېدلي،چې د ترکيې د مدیترانې ساحل ټوله سیمه یې اغېزمنه کړې ده.
ترکي چارواکو د همدې اورونو له امله د مارماریس، ډاټکا او بوډرم سیمو تر منځ سړکونه هم د لنډ مهال له پاره تړلي دي.
په سیمه کې د حرارت درجه له ۴۰ سانتي ګرادو پورته ده،چې د اور له زیاتوالي سره یې مرسته کړې او اټکل دا دی،چېد حرارت دا درجه ښايي نوره هم لوړه شي.
سره له دې چې د اور وژنې له هڅو سره روسیې او اوکراین هم مرستې کړې دي، خو اپوزېسیون د اور وژنې پر هڅو نیوکې کړې دي.
