د پاکستان لومړي وزیر عمران خان ویلي، طالبان اوس فکر کوي،چې دوی جګړه ګټلې ده، نو ځکه خو پر سوله ییز حل باور نه لري.
عمران خان د ولسمشر غني هغه ادعا هم رد کړې،چې ګني لس زره جنګیالي له پاکستان ور اوښتی دي.
لومړي وزیر زیاته کړې،چې طالبان یونیفارم نه لري او له دې کډوالو سره یې تفکیک ستونزمن دی.
خان د افغانستان په اړه وویل، که هلته کورنۍ جګړه پيل شي،دوی به له بل هر هېواد ډېر زیان وګوري.
د پاکستان لومړي وزیر همداراز ویلي، هېواد یې له امریکا سره په داسې جګړه کې ښکیل و، چې دوی پورې یې هېڅ اړه نه درلوده.
هغه وایي، امریکا په افغانستان کې له دوی د وسلې په توګه کار اخېستی دی.