د هندوستان بهرنیو چارو وزیر جي شنکر ویلي، په نوي ډیلي کې به له خپل امریکايي سیال سره پر مهمو موضوعاتو خبرې و کړي.
ټاکل شوې، د امریکا د بهرنیو چارو وزیر انټوني بلینکن نن هند ته ولاړ شي او له هندي چارواکو سره پر دوه اړخېزه اړیکو او د افغانستان په ګډون پر یو یو شمېر سیمه ییزو موضوعاتو خبرې وکړي.
جي شنکر د دې لیدنې د بحث مهمه موضوع افغانستان ښودلی، چې په خبره یې دوی هڅه کوي له امریکا سره پرې جدي خبرې وکړي.
تر دې وړاندې هند ویلي و، چې په افغانستان کې روانه جګړه بوږنوونکې ده او نړیوالو ته په کار ده، چې د دغې جګړې په ختمولو کې خپلې همکارۍ ډېرې کړي.
امریکايي رسنۍ هم وایي، چې جنوبي اسیا او افغانستان د هند او امریکا د لوړپوړو چارواکو ترمنځ د بحث مهم موضوعات دي.