د افغانستان لپاره د اروپايي ټولنې ځانګړي استازي توماس نیکولسن دوحه کې د قطر دفتر له غړو سره لېدنه کړې.
په دې لیدنه کې په افغانستان کې پر روان وضعیت، د سولې خبرو پر چټکتیا، د طالبانو له لوري د جګړو د شدت او بشري حقونو پر نقض خبرې شوې دي.
اروپايي ټولنې ټینګار کړی،چې افغان جګړه باید د خبرو له لارې ختمه شي او په جګړه کې د ملکي وګړو وژل کېدل او د بشري حقونو نقض ورته د منلو نه دی.
د قطر دفتر غړو بیا ویلي، دوی بشري حقونو ته درناوی لري او نړیوالو بنسټونو ته په کار ده،چې په بې طرفه توګه په افغانستان کې د بشري حقونو د نقض په اړه وروستي خپاره شوي راپورونه وڅېړي.
افغان حکومت هم ادعا کوي،چې طالبانو تر خپلو کنټرول لاندې سېمو کې ملکي خلک ځورولي او ان وژلي دي.
