د سره صلیب نړۍ والې کمېټې د هغو لسګونو پاکستاني وسله والو مړي د پاکستان حکومتي مقاماتو ته وسپارل، چې په وروستیو څو ورځې کې د افغانستان په جنګ کې وژل شوي وو.
افغان چارواکي وایي، د وژل شویو پاکستانیانو جسدونه تېره ورځ په رسمي توګه په تورخم کې د پاکستان حکومتي چارواکو ته وسپارل شول.
د افغانستان ځانګړو عملیاتو قول اردو بېګا ناوخته د رسمي مقاماتو له قوله پر خپله رسمي فیسبوک پاڼه ولیکل، نن د ۳۹ پاکستاني طالبانو جسدونه، چې د افغانستان زړورو دفاعي او امنیتي ځواکونو سره په جګړه کې هلاک شوي وو، د سره صلیب نړیوالې کمېټې له خوا په رسمي توګه په تورخم کې د پاکستان حکومت ته تسلیم شول.
دا لا نه ده معلومه، چې وژل شوي وسله وال د پاکستان د حکومت نظامي منسوبین وو که هغه عام پاکستاني اتباع وو، چې د پاکستان د مذهبي ګوندونو او جوماتونو د امامانو له خوا د تبلیغ په نتیجه کې د «جهاد» په نوم د افغان حکومت پر ضد د جنګ لپاره افغانستان ته رالېږل کیږي.