د روسیې د بهرنیو چارو وزیر سرګي لاوروف له افغان حکومت غوښتي، چې طالبانو سره دې له کومې وېرې پرته خبرو ته کېني.
سرګي لاوروف ویلي، مسکو ته په خپل وروستي سفر کې طالب پلاوي ډاډ ورکړی، چې د روسیې او د پخواني شوري اتحاد ملګرو هېوادونو ته یې کوم ګواښ نه پېښږي او د داعش پر وړاندې به کلکه مبارزه کوي.
لاوروف ویلي، طالبان خبرو ته چمتو دي او غواړي، چې له سیاسي لارې د افغانستان مساله حل کړي.
د روسیې د بهرنیو چارو وزیر دغه تازه څرګندونو ته لا افغان حکومت کوم غبرګون نه دی ښودلی.