د افغانستان پخواني ولسمشر حامد کرزي ویلي، امریکا هڅه کوي، چې افغان دولت کمزوري کړي.
کرزي ویلي، د سولې تر جدي خبرو وړاندې امریکا هڅه کوي،چې ځینې ولایتونه د طالبانو په اختیار کې ورکړي.
نوموړی زیاتوي، کله چې په واک کې و، طالبانو ده ته هم ورته وړاندیزونه کړي ول، خو د نوموړي له مخالفت سره مخ شوي وو.
د کرزي په خبره، امریکا او پاکستان په افغانستان کې افراطیت ته لمن وهي او له دې لارې غواړي،چې جګړه دوام پیدا کړي.
پخواني ولسمشر له امریکا، روسیې او د سیمې له هېوادونو غوښتي،چې له سیاسي رقابتونو تېر شي او په افغانستان کې د واقعي سولې لپاره همکاري وکړي.
