روغتیا و زارت له خلکو وغوښتل،چې د لوی اختر د مبارکۍ پرر مهال دې بسنه پر ټلیفوني اړیکو او پیغامونو وکړي او د یو بل کورونو ته دې له تګ راتګ ډډه وکړي.
د یاد وزارت د مالوماتو له مخې په تېرو ۲۴ ساعتونو کې ۴۹ تنه د کورونا وبا له امله مړه شوي او ۳۷۸ مثبتې پېښې ثبت شوي.
د تازه ۴۹ کسانو مړه کېدو سره په ټول هېواد کې د کورونا وبا له امله د مړو شمیره ۶۱۴۷ کسانو ته پورته شوه.
د کرونا نا روغۍ له پیل بیا تر دې دمه په ټول هېواد کې پر دغې ناروغۍ د اخته کسانو شمیر ۱۴۰ زره ۶۰۲ کسان ته رسېدلی دی.
کورونا وبا د لومړي ځل لپاره د ۲۰۱۹ زېږدیز کال په ډسمبر میاشت کې د چین مرکزي هوبي ولایت په ووهان ښار کې پیدا شوه.
د امریکا متحده ایالتو د جان هاپکنز پوهنتون د شمېرو له مخې، ټوله نړۍ کې پر کورونا وبا د اخته کسانو شمېر له ۱۹۰ میلیونو لوړ شوی او له ۴ میلیونه ډېر کسان ترې مړه شوي دي.