د پاکستان هوایي ځواک په اړه د ولسمشر غني د لومړي مرستیال امرالله صالح وروستیو څرګندونو ګڼ غبرګونونه پارولي.
امرالله صالح پر خپله فیسبوک پاڼه یې لیکلي و، د پاکستان هوايي ځواک افغان پوځ او هوايي ځواکونو ته رسمآ خبرداری ورکړی، چې د سپین بولدک لاره کې د افغان طالبانو د شړلو لپاره هر ډول حرکات به يې د دوی له خوا له سخت غبرګون سره مخامخ شي.
د صالح دې څرګندونو ته د ملي امنیت پخواني رییس رحمت الله نبیل پر خپله فیسبوک پاڼه لیکلي، که د نوموړي څرګندونې ریښتیا او سمې وي، دولت باید په دې اړه رسمي اعلامیه خپره کړي، لویه جرګه دې راوغوښتل شي او په دې اړه دې ملي پرېکړه وشي.
نوموړي ویلي، که دغه ډول اقدام ونشي نو دا هسې یو شعار او فیسبوکي کمپاین دی، چې صالح یې د ځان لپاره کوي.