د بادغیس والي حسام الدین شمس وایي، دغه اوربند د قومي سپین ږیرو په منځګړيتوب رامنځته شوی، چې له مخې به یې طالبان ښار ته له نژدې سیمو وځي او پر یو بل به ډزې نه کوي.
هغه وایي، د دواړو خواوو ترمنځ کومه کتبي معاهده نه ده لاسلیک شوې او دا چې اوربند به تر کله دوام کوي، وروسته به روښانه شي.
د بادغیس مرکز قلعه نوښار کې له تېرو څو ورځو راهیسې د حکومتي ځواکونو او طالبانو ترمنځ جګړه روانه ده، چې دواړو لورو ته د مرګ ژوبلې اوښتو تر څنګ سلګونه کورنۍ بېځایه شوي دي.
طالبانو تراوسه په دې اړه څه نه دي ویلي.