د افغانستان امنیتي او دفاعي سکتور ویاند اجمل عمر شینواري نن په کابل کې د یوه خبري کنفرانس پر مهال وویل، له لاسه وتلو سیمو د بېرته نېولو لپاره پلان چمتو شوی او ډېر ژر به یرغلیز بریدونه پيل کړي.
شینواري زیاته کړه:« حکومت د هغو سیمو د بېرته نیولو لپاره پلانونه چمتو کړي او ډېر ژر به هغه سیمي بیرته ونیسي،چي وسله والو طالبانو نیولي او بېرته به خپل حاکمت هلته ټینګ کړي.»
د سیاسي چارو یو شمېر شنونکي بیا وايي، روانه جګړه د قدرت لپاره ده،خو زیان یې عامو خلکو او ملي شتمنیو ته رسېږي.
د سیاسي چارو شنونکی شعورنیازی وايي:« دافغانستان جګړه بهرنۍ ده او اوس د سیمي استخبارات غواړي،د افغان حکومت اقتصادي سرچینې وچي کړي او افغانستان له ستونز سره مخ کړي. دواړو لورو د قدرت لپاره جګړې ته زور ورکړی دی، ترڅو هر لوری نړیوالو ته قدرت وښیي او په حکومت د فشار راوستلو یوازینی لاره ده.»
د جګړو شدت په درشل کې د چهارشنبې په ورځ ولسمشر غني وسله وال پوځ او صفري قطعاتو ته د شپڼیو عملیاتو د پيلولو امر هم کړی دی.