دایکندي کې چارواکي وايي، د طالبانو برېدونو له امله په تېره یوه اوونۍ کې له پاتو ولسوالۍ شااوخوا ۳ زره کورنۍ مرکز نیلي او نورو سېمو ته بې ځایه شوي دي.
د یاد ولایت د کډوالو او بېرته ستنېدونکو چارو امر ابراهیم هاشمي ویلي، په تېره یوه اوږنۍ کې شااوخوا دوه زره کورنۍ د دایکندي مرکز ته پناه وړې ده او په وروستیو ورځو کې ۸۰۰ نورې کورنۍ بیځایه شوي دي.
هاشمي ویلي، تر اوسه پورې شااوخوا ۵۰۰ کورنیو ته د غذايي موادو لومړنۍ مرستې رسېدلي، خو سیمه ییزه اداره د جګړو له امله له زیات شمېر بېیځایه شویو سره د مرستو وړتیا نه لري.
بل پلو د والي ویاند سرور برلاس بیا وايي،د بیړنیو حالاتو کمېټې د دغه ولایت په لوبغالي کې بېځایه شویو کورنیو لپاره ۱۰۰ کېږدۍ لګولي دي.
چارواکي وايي، طالبان لا هم د سیمو د نیولو لپاره د پاتو ولسوالۍ په بېلابېلو برخو باندې بریدونه کوي.
د چارواکو په خبره، چې د ولسوالۍ مرکز اړوند د قخور په سیمه کې د طالبانو، سیمه ییزو پاڅونوالو او افغان ځواکونو ترمنځ جګړه روانه ده.