د سيمه ييزو ارګانونو خپلواکې ادارې له لوري په خپره شوې خبرپاڼه کې راغلي،چې د فارياب ولسونو په غوښتنه او د ستونزو حل په موخه یې؛ د دې ولايت پخوانی مالي او اداري چارو مرستيال عبدالمقيم راسخ د سرپرست والي په توګه ټاکلی.
دا ګام له هغه وروسته پورته کېږي، چې فاریاب ته د دولت له خوا د والي په توګه د محمد داوود لغماني معرفي کېدو په مقابل کې له څو اونیو راهېسې پراخ لاریونونه پيل شوي ول.
دا لاریونونه د مارشال عبدالرشید دوستم په مشرۍ د ملي جنبش ګوند د پلویانو له لوري ول او ویل یې،چې والي ته د کار اجازه نه ورکوي.
